Jibu kali la mtaalamu wa Iran katika mtandao wa Al Jazeera dhidi ya madai ya mwandishi wa Newsweek kuhusu urafiki wa Marekani na Wairani

Kwa mujibu wa ripoti ya kitengo cha tarjama cha Shirika la Habari la Hawza, katika siku za hivi karibuni mtandao wa Al Jazeera, kwa kuandaa midahalo ya mezani na kuwaalika wataalamu na wachambuzi wa kikanda na kimataifa, unajaribu kuchambua hali ya sasa ya vita vilivyolazimishwa na Marekani dhidi ya Iran.

Hata hivyo, katika hali hii, kwa kualika idadi kubwa ya watu wanaopinga sera za Jamhuri ya Kiislamu pamoja na wachache wa wataalamu wa Iran au wanaounga mkono sera za muqawama na Iran, changamoto zimejitokeza katika njia ya uchambuzi wa kitaalamu sambamba na sera za Iran.

Dkt. “Hasan Ahmadian”, profesa wa Chuo Kikuu cha Tehran, katika siku za hivi karibuni ameweza, kupitia uwepo wake kama mtaalamu wa Iran, kukabiliana na kundi la wataalamu wanaopinga na wanaounga mkono sera za Marekani na kupinga utekelezaji wa haki za mataifa ya eneo hili, na ametetea haki za Wairani pamoja na maelfu ya mashahidi waliodhulumiwa katika eneo lote kuanzia Ghaza hadi Iraq na Iran.

Katika muktadha huu, Ustadh “Muhammad Baqir Asadi”, mwalimu wa hawza na chuo kikuu, na mfasiri rasmi wa Haram ya Imamu Husayn (as), ametafsiri sehemu ya mdahalo huu:

Katika mdahalo huu, Peter Ruff, mwandishi wa gazeti la Newsweek, alifanya mjadala na Hasan Ahmadian chini ya anuani: “Je, Marekani iko katika juhudi za kuliunga mkono taifa la Iran?”

Mwanzoni mwa picha mjongeo ya mdahalo, Hasan Ahmadian alisema: Matokeo ya sera zenu dhidi ya watu wetu tuliyashuhudia huko Ghaza: watu sabini elfu waliuawa kwa silaha zenu. Wairaqi pia walishuhudia hilo; nyinyi mmeua Wairaqi milioni moja.

Ruff: Ninyi mmeua watu wenu wenyewe arobaini elfu!

Ahmadian: Sikukatiza mazungumzo yako.

Ruff, kwa madai yasiyothibitishwa, anasema: Hakuna mtu aliyejitokeza kama mpinzani, na hilo linaeleweka, kwa sababu Jeshi la Walinzi wa Mapinduzi ya Iran linatawala kupitia mauaji na vurugu; kwa kuwatupa watu kutoka juu ya paa za majengo, na kuwapiga wanawake, na wanawake wanne wako katika hatari ya kunyongwa kwa sababu ya kushiriki katika maandamano. Siwalaumu watu kwa kutoinuka dhidi ya mfumo, kama alivyoomba Rais Trump, lakini serikali (ya Iran) inapoteza uthabiti wake.

Marekani haina tatizo lolote na watu wa Iran!!! Tunawapenda watu wa Iran, na najua kwamba, nadhani watu wa Iran pia wanaipenda Marekani. Tatizo letu liko na mfumo, na wakati ambapo mfumo huu umeanza kusambaratika, ikiwa mtu yeyote ndani ya serikali atasimama na kusema anataka kubadili mwelekeo wa mambo, atakabiliwa na hatari kubwa.

Ahmadian, katika kujibu madai ya Ruff, alisema: “Urafiki” wa Marekani kwa Wairani ulijulikana tangu pigo la kwanza, wakati watoto wao waliuawa katika shule. “Urafiki” huu uliendelea kwa siku arobaini kwa kuwaua Wairani. Wairani wanaichukia Marekani kwa sababu ya vita hii. Kwa mara ya kwanza, demokrasia iliibiwa kutoka kwa Wairani mwaka 1953 na Marekani, wakati walipoipindua serikali na kumleta nani? Shah aliyekuwa tegemezi kwao, na wakatenga SAVAK kwa ajili yake, ambayo ilikuwa ikiangamiza na kukandamiza jamii ya Iran. Chombo hiki kiliundwa na CIA na Mossad na kimsingi kilitumika Iran kama nyenzo mikononi mwa Shah kwa ajili ya kuwakandamiza watu.

Kauli hizi kuhusu kujali watu huenda zikapata nafasi ndani ya Marekani na katika “povu la Marekani”, lakini watu wanajua sera zenu ni zipi; matokeo yake tuliyashuhudia Ghaza: watu sabini elfu waliuawa kwa silaha zenu. Wairaqi pia walishuhudia hilo; nyinyi mmeua Wairaqi milioni moja.

Ahmadian: Lakini takwimu hii si sahihi. Kwa sababu rais wao anarudia idadi ya 32,000, sasa anasema 40,000, na huenda kesho tutasikia hata 80,000. Nchini Iran ilitangazwa kuwa watu 3,117 wameuawa, na majina yao yakatangazwa pia, na wakaambiwa (ufafanuzi wa jambo hili tu ndio muhimu) wakaambiwa kama mna jina lolote nje ya orodha hii, leteni ili tuamini.

Aliendelea kusema: Wiki iliyopita Rais Trump alisema kwamba mwezi Januari tuliingiza silaha ndani ya Iran, lakini kwa bahati mbaya hazikutosha. Huo ndio “urafiki” wa Marekani unaokuja kwa Wairani kwa sura ya silaha ili wapigane wao kwa wao ndani ya nchi. Kwa nini wanasema 40,000 na kuongeza idadi hiyo miongoni mwa wapinzani hadi kufikia 80,000? Ili waseme kwamba Iran ni mbaya zaidi kuliko Israel. Hii ni simulizi kwa ajili ya kusafisha sura ya Israel. Iran ni safi zaidi kuliko nyinyi na pia ni safi zaidi kuliko Israel, na itaendelea kuwa safi zaidi.